Еўразійскі эканамічны саюз

Назва на афіцыйных мовах ЕАЭС: Арм.: Եվրասիական տնտեսական միություն Каз.: Еуразиялық экономикалық одағы Кыргыз.: Евразиялык экономикалык биримдик Рус.: Евразийский экономический союз
Эмблема ЕАЭС
Карта
Дзяржавы — члены Еўразійскага эканамічнага саюза
Асноўная інфармацыя
Адміністрацыйныя цэнтры	Масква Мінск
Найбуйнейшы горад	Масква
Дзяржавы-члены	5 Арменія Беларусь Казахстан Кыргызстан Расія
Афіцыйныя мовы	5 армянская беларуская казахская кыргызская руская
Урад
Старшыня Вышэйшага эканамічнага савета	Нікол Пашынян
Старшыня эканамічнай камісіі	Тыгран Саркісян
Дзяржава — старшыня ЕАЭС	Беларусь
Фарміраванне
Прапанова стварэння	1994
ЕўрАзЭС	10 кастрычніка 2000
Мытны саюз	1 студзеня 2010
Эканамічная прастора	1 студзеня 2012
Дамова аб ЕАЭС	29 мая 2014
Утварэнне ЕАЭС	1 студзеня 2015
Геаграфічнае апісанне
Тэрыторыя	1-я ў свеце 20 260 435 км²
Насельніцтва (2019)	8-е ў свеце 183 800 000 чал. шчыльнасць - 9,06 чал/км²
ВУП (па ППЗ, 2018)	10-ы ў свеце усяго: $ 5,0 трлн ВУП/чал: $ 27 000
ВУП (намінал, 2018)	10-ы ў свеце усяго: $ 1,8 трлн ВУП/чал: $ 10 000
ІЧР	0,761 высокі
Валюты	5 Армянскі драм Беларускі рубель Казахстанскі тэнгэ Кыргызскі сом Расійскі рубель
Часавы пояс	UTC ад +2 да +12
Дамены верхняга ўзроўню	9 .am .հայ .by .бел .kz .қаз .kg .ru .рф
Тэлефонныя коды	4 +7 +374 +375 +996
Спасылкі
Афіцыйны сайт ЕАЭС (нявызн.).

Еўразійскі эканамічны саюз. Паштовая марка Беларусі

Еўразійскі эканамічны саюз (ЕАЭС) — міжнароднае інтэграцыйнае эканамічнае аб'яднанне, створанае на базе Мытнага саюза ЕўрАзЭС, які існаваў да 2014 года.

Краіны-ўдзельніцы

Дагавор аб стварэнні ЕАЭС быў падпісаны 29 мая 2014 года ў Астане прэзідэнтамі Беларусі, Казахстана і Расіі. 10 кастрычніка ў Мінску дагавор аб далучэнні да ЕАЭС падпісала Арменія, а 23 снежня ў Маскве — Кыргызстан.

 Беларусь

Арменія

Казахстан

Кыргызстан

Расія

Дагавор аб Еўразійскім эканамічным саюзе

Тэкст дагавора складаецца з 28 раздзелаў, 118 артыкулаў і 32 дадаткаў. У аснову дакумента пакладзена дагаворна-прававая база Мытнага саюза і Адзінай эканамічнай прасторы, дзейныя нормы якіх былі аптымізаваныя і прыведзеныя ў адпаведнасць з правіламі Сусветнай гандлёвай арганізацыі.

Дагавор аб ЕАЭС складаецца з двух частак. У першай — інстытуцыйнай — выкладзеныя стратэгічныя мэты і задачы еўразійскай інтэграцыі, вызначаецца прававы статус саюза як поўнафарматнай міжнароднай арганізацыі. Сфармуляваныя асноўныя прынцыпы яго дзейнасці — супрацоўніцтва на ўзаемавыгаднай аснове для збліжэння эканомік краін-удзельніц, іх гарманічнага развіцця і ўмацавання канкурэнтаздольнасці.

Вызначана сістэма органаў саюза: Вышэйшы Еўразійскі эканамічны савет (узровень кіраўнікоў дзяржаў), Еўразійскі міжурадавы савет (узровень кіраўнікоў урадаў), Еўразійская эканамічная камісія і Суд ЕАЭС. Абгаворваецца кампетэнцыя, парадак фарміравання і працы кожнага са згаданых органаў.

Другая частка дагавора — функцыянальная. Тут рэгламентуюцца механізмы эканамічнага ўзаемадзеяння, а таксама зафіксаваныя пэўныя абавязацельствы па галіновых кірунках інтэграцыі. Сярод іх — адзіная палітыка ў галіне тарыфнага і нетарыфнага рэгулявання, транспарту і прамысловасці, каардынацыя сельскагаспадарчай палітыкі (у тым ліку ўніфікацыя патрабаванняў, звязаных з развіццём экспарту прадуктаў аграпрама).

Зафіксаваныя асноўныя прынцыпы і правілы канкурэнтнай і антыманапольнай палітыкі. Вызначаюцца захады па стварэнні агульнага фінансавага рынку і біржавой прасторы, забеспячэнні гарантаванай і эфектыўнай абароны правоў і законных інтарэсаў спажыўцоў фінансавых паслуг.

Асобным блокам замацаваныя палажэнні аб паэтапнай інтэграцыі энергетычных рынкаў і каардынацыі дзейнасці ў галіне электраэнергетыкі, газу, нафты і нафтапрадуктаў.

Спасылкі

• Eurasian Economic Union, EAEU
• Eurasian Economic Commision, eec
• Legal portal of the Eurasian Economic Union, EAEU